За прв пат после 1986 година Македонски железници ТРАНСПОРТ АД набави нови товарни вагони

Македонија регионален логистички центар

Со изградба на брза пруга може да се овозможи поврзување на Атинското пристаниште Пиреја преку Македонија со Централна Европа. Раководители на железнички компании од регионот и кинеската компанија „Коско“, која во изминатиот период инвестирала повеќе од 700 милиони евра во грчкото пристаниште Пиреја анализираат логистички решенија за ефикасни транспортни траси од пристаништето преку железничките мрежи на територијата на Македонија до земјите од Централна Европа. Според оцените од средбата во Скопје, која ја организираа „Македонски железници Транспорт“ и „Коско“, со развој на транспортната мрежа и создавање железнички собирен пункт на стратегиско место во Македонија ќе се забрза транспортот на стока и ќе се зголеми конкурентноста на компаниите и на економиите.

Официјалните податоци покажубаат дека повеќе од 60 отсто од увозот на стоки во Македонија пристигнуваат преку „Океанскиот пат на свилата“ од пристаништата во Пиреја и од Солун.

Повеќе...

Љубомир Илиев во посета на МЖ Транспорт АД - Скопје

22.04.2015 год

Љубомир Илиев, генералниот директор на БДЖ, беше во возвратна посета на Никола Костов, генералниот директор на МЖ Транспорт АД - Скопје. Во разговорите што беа водени меѓу двата генерални директори и членовите на двете делегации се продлабочија првичните разговори меѓу Костов и Илиев што беа водени минатиот месец во Софија.

Тема на разговорот, секако, покрај комерцијалната соработка меѓу двете железници, беше и неодминливиот источен крак на коридорот 8 кој во не така далечна иднина треба да ги поврзе Скопје и Софија со директна железничка врска.

Трајановски во посета на МЖ Транспорт АД - Скопје

15.04.2015 год.

Коце Трајановски, градоначалникот на Град Скопје, беше во работна посета на Македонски железници Транспорт АД - Скопје. Во разговорите со Никола Костов, генералниот директор на Акционерското друштво опфатени се повеќе теми од заеднички интерес - особено за можната соработка на Градот Скопје со железницата.

Посетата на Трајановски беше искористена на градоначалникот на Град Скопје да му се врачи и благодарница по повод 9 април - Денот на железничарите на Македонија.

Свечено одбележан денот на железничарите

9.04.2015 год.

Железничарите во МЖ Транспорт АД - Скопје свечено го одбележаа својот ден - 9 Април. По тој повод во кругот на Акционерското друштво се засадени повеќе садници, а на свечената седница на Управниот одбор беа доделени повеќе пофалници на вработените во Друштвото за посебни заслуги во обавувањето на секојдневните работни задачи. Управниот одбор, исто така, додели и благодарници на надворешни лица за заслуги во афирмирањето на железницата во Македонија и надвор од неа.

Во рамките на годишново одбележување на Денот на железничарите почна повторно да се печати месечникот „Железничар“, кој како дневен весник - „Народен железничар“ почна да се печати на македонски јазик веднаш по ослободувањето на Македонија.

Железничарите во Транспорт и годинава си ги одмеруваа силите во мал фудбал, пикадо, шах, табла и традиционалното влечење на јаже.

Потпишан колективниот договор на МЖ Транспорт АД - Скопје

03.04.2015 год.

Денес, по повеќегодишно преговарање и одлагање, во просториите на МЖ Транспорт АД - Скопје потпишан е Колективниот договор на Акционерското друштво за транспорт Македонски железници Транспорт АД - Скопје.

Колективниот договор, изработен врз основа на Законот за работни односи и Општиот колективен договор за јавен сектор на Република Македонија, го потпиша Никола Костов, претседател на Управниот одбор на Акционерското друштво, односно претставниците на репрезентативните синдикати: Александар Здравковски, претседател на Синдикалната организација на железничарите при МЖ Транспорт АД - Скопје и Ѓоко Илиевски, претседател на Синдикатот на вработени на Подружница за влеча на возови.

Повторно вози брзиот воз за Битола

27.03.2015 год.

Од 1 април годинава повторно се воведуваат во редовен железнички сообраќај времено укинатите патнички возови 541 кој сообраќа на релацијата Скопје-Битола со тргнување од Скопје во 16,55 часот и возот 540 на релацијата Битола-Скопје кој од Битола тргнува во 5,18 часот.

Возовите ќе сообраќаат според важечкиот возен ред со тоа што (поради технолошка организација на сообраќајот) возот 541 (Скопје-Битола) за првпат во повторен сообраќај ќе се вклучи на 01.04.2015, а возот 540 (Битола-Скопје) на 2.04.2015.

Страница 1 од 2