За прв пат после 1986 година Македонски железници ТРАНСПОРТ АД набави нови товарни вагони

Македонски железници Транспорт АД - Скопје донираше помош за поплавените подрачја

Македонски Железници Транспорт АД - Скопје изразува длабоко сочуство до семејствата и граѓаните зафатени од неодамнешните поплави кои ја зафатија Република Македонија и како општествено одговорна компанијактивно се вклучи во процесот на санација на штетите предизвикани од поплавите со директен ангажман на вработените во  Македонски Железници Транспорт АД како и со опрема и превозни средства.

Истовремено Управниот одбор на Македонски Железници Транспорт АД донесе одлука за донација на храна, вода и хигиенски препарати кои денес беа доставени до загрозените подрачја во околината на Скопје.

Вработените и опремата на нашата компанија и понатаму ќе останат на терен заедно со сите добронамерни луѓе кои се вклучени во оваа акција се до целосно санирање на штетите во загрозените подрачја.

Ги повикуваме сите компании во Република Македонија активно и несебично да се вклучат во оваа хуманитарна акција што поскоро.

Одржан работен состанок помеѓу Сојузот на синдикати на Македонија и претставници на МЖ Транспорт АД - Скопје

04.08.2016 година

На ден 03.08.2016 година се одржа состанок помеѓу Претседателот на ССМ д-р Живко Митревски и претставниците на Македонски железници Транспорт АД - Скопје - Генерален директор Никола Костов, Јулијана Веригиќ, директор на правен сектор и претставниците на синдикалните организации Ѓоко Илиевски, Јован Симоновски и Јонче Спасовски.

Генералниот директор ја образложи тешката финансиска состојба на МЖ Транспорт поради блокадите и штрајковите од Грчка страна (Грчки железници, пристаниште во Солун и мигрантската криза) кои во временски период од четири месеци колку што трае блокадата допринесоа за големи и тешки финансиски импликации во комерцијалното работење на друштвото.

Во овој период немаше превози на Коридорот 10, се откажаа сите комерцијални договори затоа што беше прекинат целиот превоз на стоки, а таквата состојба предизвика катастрофални последици кон целокупното Македонско стопанство и допринесоа до директна материјална штета од приближно  5.000.000,00 евра, која се одрази врз тековното редовно намирување на тековните обврски кон коминтентите.

Повеќе...

Потпишан Протокол за работа на граничната станица Табановци

28.06,.2016 година

Во Белград на 27 јуни годинава, потпишан е Протокол за организација и регулирање на железничкиот сообраќај на граничната пруга во заедничката станица Табановци.

Потписници на протоколот ги дефинира односите помеѓу Инфраструктура на железниците на Србија АД - Белград, Србија Карго АД - Белград и Србија Воз АД - Белград од една и ЈП Македонски железници Инфраструктура - Скопје и Македонски железници Транспорт АД - Скопје од друга страна. Протоколот ја дефинира организацијата и регулирањето на железничкиот сообраќај и работите на железничкиот персонал на двете држави во заедничката гранична станица Табановци.

Најголема новина, што ја предвидува Протоколот за организација и регулирање на железничкиот сообраќај на граничната пруга во заедничката гранична станица Табановци, е податокот дека по неговото стапување во сила и македонската и српската гранична, царинска и санитетска контрола, во патничкиот и товарниот сообраќај, ќе се извршува само во железничката станица Табановци. На тој начин ќе се забрза протокот на возови на граничниот премин, а истовремено ќе се намали и времето за гранична, царинска и санитетска контрола.

Промовирање на проектот за рехабилитација и реновирање на депото за одржување на железничките возила

21.06.2016 година

Борејќи се со секојдневните проблеми предизвикани од 3 месечните блокади на јужниот дел од железничкиот коридор 10, со максимална ангажираност на сите други останати полиња, МЖ Транспорт АД Скопје спроведува низа позитивни проекти со кои целосно се менува сликата накомпанијата во еден модерен железнички превозник.

Со голема чест и задоволство, денеска го промовираме проектот за рехабилитација и реновирање на депото за одржување на железнички возила. Причини за задоволството да биде толку големо е фактот што овие градежни зафати се прават после дол период од точно 43 години од неговото пуштање во работа, и фактот што вработените конечно ќе добијат модерни услови за работа по сите европски стандарди.

Повеќе...

„Хелас“ ќе сообраќа и ова лето!?

16.06.2016 година

Популарниот „Хелас експрес“ ќе сообраќа ова лето. Ова е усогласено меѓу „Србија воз“, „МЖ Транспорт“ и „ТРАИНОСЕ“ - Грчките железници.

Согласно протоколот „Хелас експрес“ повторно ќе почне да сообраќа на 17 јуни кон Белград, односно 19 јуни годинава кон Солун. Последниот воз што ќе вози е на ден 3-4 септември 2016 година. По овој датум „Хелас експрес“ нема да сообраќа се до крајот на возниот ред 2015-2016 година.

Инаку, и ова лето „Хелас експрес“ ќе сообраќа по усталената шема од Белград до Гевгелија и обратно со класични патнички вагони, а на релацијата Гевгелија - Солун - Гевгелија патниците ќе бидат превезувани со автобуси на Грчките железници.

Измени во возниот ред 2015-2016 година

10.06.2016 година.

Нови возови кон Битола, Кичево и Кочани

Од недела, 12 јуни 2016 година, стапуваат во сила измените на возниот ред 2015-2016 година.

Со новиот возен ред од Скопје за Битола ќе возат шест возови со време на тргнување од Скопје во: 1.40; 6.42; 14.30; 17.10 и 20.12 часот. Од битола за Скопје возовите ќе тргнуваат во 3.10; 5.25; 12.50; 18.25 и 21.04 часот.

Со измените кон Кичево ќе сообраќаат два воза кои од Скопје ќе тргнуваат во 2.50 и 16.50, а од Кичево за Скопје во 5.33 и 19.30 часот.

Кон Кочани, исто така, ќе сообраќаат два воза и тоа од Скопје за Кочани во 1.54 и 15.22 часот, а од Кочани за Скопје во 5.00 и 19.30 часот.

Од Скопје за Велес ќе сообраќаат 14 возови првиот во 1.40, а последниот во 22.40 часот. во повратна насока првиот воз од Велес за Скопје тргнува во 5.03, а последниот во 23.07 часот.

Железничкиот патнички сообраќај кон Табановци, Гевгелија и Волково останува непроменет. кон Табановци ќе возат шест пара на возови, кон Гевгелија три, а кон Волково еден пар.

Страница 1 од 2